туьрк, прил. чир хьанвай, малум тир; дережа авай. - Вилик якъин ва тайин мурад хьайила, кӀвалахизни ашкъи къведа. А. А. Лезгияр. Синоним: ашкара, якъин.
* тайин авун гл., ни-куь вуж-вуч 1) тайин гьалдиз гъун, чирун, ачухарун. Эмин хайи ва кьейи вахт дуьм-дуьз малум туш, анжах бязи малуматралди техминан тайин ийиз жеда... М. М. Гь. Шииррин кӀватӀал туькӀуьрайдан патай ( 1941). Куьгьне парталар алукӀна, къуьнуьз гьебеяр вегьена фейи Къаюма и тапшуругъ гъал ягъайди хьиз, тайин авур вахтунда кьилиз акъудна. З. Э. КУТВ-диз фена. 2) эцигун. Ассимиляциядин рекьер гзаф авай: лезгияр жавабдар къуллугърал тайин тийин, мектебра дидед чӀалалди тарсар тагун, радио, газет къадагъа авун, лезги аялар дидедиз хьайила, документра чара миллет кхьин ва мсб. М. М. Лацу лекеяр. Аскервилин къуллугъ хъсандиз акьалтӀарна хтанвайди, студентвилени тайин хьувунвайди чир хьайила, Жамидина зи сагълугъдай кьилдин суфра ачухнай. М. Ж. Жамидин рикӀел хку нар. Синоним: малум авун.
* тайин жаваб сущ. масакӀа гъавурда гьат тийидай, ачух жаваб. Кесиб нагагь фена вацӀал, улам кьванни жузаз хьайтӀа, Тайин жаваб гудай бенде жагьич, валлагь, Кесибвал кьий. Е. Э. Кесибвал. Синонимар: якъин жаваб.
* тайин тирвал арал. виридаз чидайвал. Вилик фенвай литературайра, тайин тирвал, гьикаят фадлай кьилин, кар алай пай я. "Самур" журн., 2003, No231 Синонимар: малум тирвал, якъин тирвал.
* тайин хьун гл., низ вуч чир хьун. Гьуьрметар хуьн авай кар я, ви чам гун Акурла, заз тайин жезва Тамам вун: Вагьрам хьана - ялтахвални талакьдай -Вагьрам туш вун, авам хьана авам вун. И. Гь. Рубаияр. Таксистдизни Севзихан гьи себебдалди хтанвайди ятӀа хабар авайди тайин хьанвай. А. Къ. Нехирбанни лекь. Синонимар: малум хьун, якъин хьун